പരിണയ ചന്ദ്രിക 19

ഒരുനാൾ അമ്പിളി പൂന്തിങ്കളേ നീ

              എന്നിളം കൈയ്യിൽ തെളിഞ്ഞിരുന്നു. 

ഇന്നകലേ നീയാ കൈയ്യെത്താ ദൂരത്ത്

              വിരഹ  നിലാവായ്   ഉദിച്ചിടുന്നോ..

 നീറുമോർമ്മകളെന്നിൽ ഉണർത്തിടുന്നോ..

എൻ ഹൃദയത്തിലെ പ്രണയ വർണ്ണങ്ങൾ 

     ചാലിച്ചെടുത്ത വെൺ പൗർണമി നീയേ...

പൊൻ പ്രഭ തൂകീ എൻ മാനസമാകേ

       മായിക ലോകം തീർത്ത നിലാവേ...

ഓരോ നിമിഷവും,  ഓരോ യുഗങ്ങളായ്

ഓർമ്മയിൽ ഇന്നും തിളങ്ങി നിൽപ്പൂ. . 

           (ഒരുനാൾ അമ്പിളി പൂന്തിങ്കളേ നീ...)

താരക തോഴികൾ ഇല്ലാതെ ഏകയായ്

  അരികിൽ അണഞ്ഞുള്ള  പൗർണമിയാളേ...

പനിമതി നീയെന്നും സ്വന്തമെന്നുള്ളിൽ    

      അറിയാതാശിച്ച പാമരനീ ഞാൻ. .

മുകിലിൽ മറയുമ്പോൾ ,

                                          ഇരുളെൻ വീഥിയിൽ

പടരുന്നു നോവായ് പ്രാണനിതിൽ

           (ഒരുനാൾ അമ്പിളി പൂന്തിങ്കളേ നീ...)

                                           സുബീർ വഴിയമ്പലം

                                                19 - 08 - 2016

August 30

     

*********  ആഗസ്റ്റ് 30 *********

ആദ്യമായ് അനുരാഗ മന്ത്രമെൻ കാതിൽ
ആ തേനിളം തളിർമൊഴിയാലേ പകർന്നനാൾ
ആശ തൻ പൂ വാക ആകേ തളിർത്തനാൾ
ആനന്ദമാം പ്രണയ   മഴയിൽ  നനഞ്ഞ  നാൾ

............................................................
                           ......................................
............................................................
                           .....................................
...........................................................
                           .....................................

ആയിരത്തിൽ നാലിരട്ടിയുംപതിനഞ്ചു-
               നാളും ഇതു വരേ കടന്നു പോയി..
ആയുസ്സതേറേയില്ലാ അനുരാഗ-
             തേൻകണം മിഴിനീർ അദൃശ്യമാക്കീ..

ആ ദിനവും മൊഴിയും ഒരോർമ്മയായീ ....

                                     സുബീർ വഴിയമ്പലം
                                         30 / 08 / 2017 

ഈ സെപ്റ്റംബർ

                  

സുദിനങ്ങൾ തൻ സൗഹൃദംഒന്ന് കാണൂ...
ഒന്ന് ചിന്തിക്കൂ നാം ഇന്ന്എവിടെയെന്ന്.!
സ്വർഗ്ഗത്തിലായ് നാം വസിച്ചു കൊണ്ട്
ഏതോ സ്വർഗ്ഗത്തിനായി പൊരുതിടുന്നോ.?
നീച നരകം സ്വയം വരിച്ചിടുന്നോ..?

ഉണരുവാൻ നമ്മൾ മടിച്ചിടല്ലേ..
നല്ല നാടിനേ നമ്മൾ തകർത്തിടല്ലേ...

കുരുന്നായിരുന്ന നാൾ തൊട്ടു നമ്മൾ
ഏറ്റു ചൊല്ലിയ പ്രതിജ്ഞ മറക്കരുതേ...

എത്ര പേർക്കാകും ഇന്നാ പ്രതിജ്ഞ
സ്വന്തം മനസ്സറിഞ്ഞൊന്ന് പറഞ്ഞീടുവാൻ?

"ഭാരതം എൻറെ  നാടാണ്". .....
                  

ഓണപ്പാട്ട് : പൂവിളി

  ഓണപ്പാട്ട്

പൂവേ പൊലി പൂവേ ...പൊൻ -
              തിരുവോണ തളിർ പൂവേ....
പൂവേ  വെൺ പൂവേ ...
              പൊന്നോണ പുലരി പൂവേ...

പൂവിളി ഉണരും   നാടിന്ന് പൊന്നോണം
പുത്തനുഷസ്സിൽ ഉണരുന്നൂ തിരുവോണം (2)
   മലയാള     മണ്ണിൻ   പൂക്കാലം    ഈ ഓണം
   മാവേലി നാടിൻ പുണ്യം ഓതുന്നീ ഓണം(2)

ചിങ്ങത്തിൽ  എത്തും
                അത്തത്തിൽ  തുമ്പ പൂക്കളവും
ചിത്തിര  വാനിൽ പാറും -
                            പല വർണ്ണ തുമ്പികളും(2)
ചോതിയിൽ  ശ്രുതി ചേർത്തു-
                          പാടും  പുള്ളി കുയിലുകളും,
        വരവേൽക്കയല്ലോ മാവേലി നാടിതിൽ
                                പൊന്നോണ നാളുകൾ.
                                              (പൂവിളി ഉണരും....)

തുയിലുണർത്തു പാട്ടും
         തിരുവോണ   പൂക്കള ഭംഗീ ...
ഓണവില്ലീണം- താള -
       തിരുവാതിര  ചുവടുകളും (2)        
കേരളക്കരതൻ - കൗതുകമേറും
                                        നിറ കാഴ്ചകളാൽ
ഹരിത ഭംഗി അണിയും
                              നാടിന്റെ  ഓണമായ്
                               നല്ലോണ നാളിതാ....
                                              (പൂവിളി ഉണരും....)
                                       
   സുബീർ വഴിയമ്പലം
                                             27-07-2017

ചുറ്റുവട്ടം

                   ചുറ്റുവട്ടം

മാറുന്ന ലോകം,  മായാത്ത നോവ്
മനസ്സാകേ തകരുന്ന കാഴ്ചയെങ്ങും
മണ്ണിൽ പിറന്നീ മനുഷ്യ കുലത്തിൽ
കലികാലത്തിൻ താണ്ഡവമോ..
-----------------
ശാസ്ത്രത്തിൻ നേട്ടത്തിൽ ഉണ്ട്-അഭിമാനം
കുരുതികളേറുമ്പോൾ ഉണ്ട് ഖേദം ...
പദവിക്കായ് സേവനം ഉണ്ടതിഘോഷം
പരസ്യമില്ലാ ദാനം ഇല്ല ലേശം

ബുദ്ധി  വിശാലമായ്  ചിന്ത വിഷം തീണ്ടി
മനസ്സിലേ നൻമ  കടംകഥയായ്...
-----------------

ജാതി മത ദ്വേഷം രാഷ്ട്രീയ ലക്ഷ്യങ്ങൾ
പച്ച മാംസത്തിൽ പച്ചിരിമ്പുകേറ്റീ
ആശിച്ചു പോറ്റിയ സന്താനങ്ങൾ  ഇന്ന്
പെരുവഴിയിൽ വീഴും ജഡങ്ങളായീ...

പാടിവാതിലിൽ കാത്തിരിക്കുന്നൊരുറ്റവർ
ശവമഞ്ചലിൽ കണ്ടു കരഞ്ഞു തേങ്ങും...
------------------
അമ്മപെങ്ങൾമകൾ ചിന്തയില്ലാ ചതി
കേവലം ഭോഗസുഖം ശിരസ്സിൽ
ലഹരിക്കും ധനത്തിനും അടിമകളായീ
ഹൃദയത്തിൻ വെട്ടം കെടുത്തിടുന്നോ ...

വരും തലമുറയ്ക്കു- സത്- മാതൃകയാമീ
നമുക്ക് പിഴച്ചാൽ അതു  നാശമല്ലേ..
------------------
മാറേണം ലോകം  മായേണം നോവ്
അതിനായി കരുതേണം നന്മയുള്ളിൽ
വിദ്വേഷ രൂപം അഴിച്ചു വെച്ചൊന്നാ
മനുഷ്യനായൊന്നു നാം കൺ തുറക്കൂ....

                                             സുബീർ വഴിയമ്പലം
                                                    16-07-2017 
                                                        ദോഹ. 

ജൂൺ

അതിരുകൾ ഇല്ലാത്ത
                         അറിവിന്റെ ആഴിയിൽ
ആദ്യമായ് പാദം
                        നനയ്ക്കുമീ  വേളയിൽ
  നേരുന്നു ആയിരം ആശംസമധുരം

നേടണം മേൽത്തരം വിഞ്ജാന മുത്തുകൾ
നീങ്ങണം നേരോടെ നന്മതൻ വീഥിയിൽ,
നെഞ്ചോട് ചേർക്കുക  സ്നേഹവെണ്മലരുകൾ
വിജയത്തിലെത്തുക ഭാവി വാഗ്ദാനമേ..

                                          സുബീർ വഴിയമ്പലം
                                            05/06/2017