കവിത :- ഒരു പുലർകാലം
പുലർമന്ദമാരുതൻ പകരുമുൻമേഷം
തമസ്സിനാലസ്യത്തിൽ നിന്നൊരു മോക്ഷം
ഉഷസ്സിനേ പുണരുവാൻ അണിയുമീ വേഷം
പ്രകൃതിതൻ വരദാനം ഈ പുതുശ്വാസം
പരിമളം പകരുമാ പൂഞ്ചില്ല മേലേ..
പുള്ളികുയിൽ കൂകി നാടുണർത്തുന്നു..
പുൽകൊടി തുഞ്ചത്തെ തൂമഞ്ഞു തുള്ളി-
പുൽകുന്നിളംതെന്നൽ തഴുകിതലോടി
ഓളം തുളുമ്പുമീ നിളയിൽ നീരാടീ
കുളിരിൻറെ വെൺ ചേലചുറ്റിയുടുത്ത്
മാനസ രാജനേ വരവേൽക്കുവാനായ്
മനസിനുന്മാദമാം പ്രകൃതിതൻ വേഷം
കാണാനീകൺകൾക്കു കുളിരുള്ള കാഴ്ച
കനിവോടെ പ്രകൃതി നമുക്കേകുന്ന കാഴ്ച
കൗതുകമീ ഭംഗി കാവ്യമായ് തീർത്തതും
പുതിയൊരു പുലരി ഇതാ എൻറെ മുന്നിൽ
സുബീർ വഴിയമ്പലം
10-05-2016
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ