എൻ സർഗ്ഗസന്താനങ്ങൾ

എൻ  ശ്വാസ മൊന്നു   നിലച്ചാൽ മണ്ണിൽ
               അനാഥരായ് തീരുമോ വരികൾ
ഞാൻ-മനോ ഗർഭം   ധരിച്ചുള്ള  വരികൾ

            നിദ്രയില്ലാതെ   നിറങ്ങളില്ലാതുള്ള -
                   താളിൽപിറന്നെന്റെ  വരികൾ -
ഞാ...ൻ   തൂലികയാൽ     പെറ്റ  വരികൾ

ഒരു പൈതൽ എന്ന പോൽ
                               ഏറെ    പ്രതീക്ഷയാൽ
             വാരി  പുണർന്നൊരെൻ വരികൾ
ഞാ..ൻ  മാറോടു    ചേർത്തുള്ള വരികൾ

         പിറവിയിൽ   വ്യത്യസ്ഥ
                                   ഭാവരാം   വരികളിൽ
                          ആദ്യം   പ്രണയം   പിറന്നു
വിരഹവും  ഭക്തിയും    പിറകേ    പിറന്നു.. 

   ചില   നയനമാകേ  വിരൂപരാണെങ്കിലും
                             സുന്ദര രൂപരാണെന്നിൽ
ചിന്തയിൽ    പിറകൊണ്ട    സന്താനങ്ങൾ

       ശ്രുതിയൂട്ടി  താളം പകർന്നു വളർത്തി
                      സപ്ത  സ്വരത്തിൽ   ലയിച്ചു
അവരിന്ന് പ്രകൃതിയിൽ സല്ലാപ ലയമായ്...

                   രചന :- സുബീർ വഴിയമ്പലം
                                     10/01/2018
                                 ദോഹ , ഖത്തർ

എനിക്കായ് ഇത്ര മാത്രം

ഞാൻ മുഹമ്മദ് സുബീർ ,

എനിക്ക് പറയാൻ കഴിയാത്ത സമയത്ത് പറയാനുള്ളത്,

1, എന്റെ മരണം ഏത് നാട്ടിൽ വെച്ചാണോ സംഭവിക്കുന്നത് ആ നാട്ടിൽ തന്നെ എന്റെ ശരീരം മറവ് ചെയ്യുക. അതും എത്രയും വേഗം , മറ്റുള്ളവർക്കു വേണ്ടി കാത്തു വെക്കരുത് , മറ്റുള്ളവരുടെ സമയം കളയുന്ന തരത്തിലുള്ള ബുദ്ധിമുട്ടിക്കുന്ന ഒരു മരണാനന്തര ചടങ്ങും ചെയ്യാതിരിക്കുക.

2, എന്റെ വീട്ടുകാരറിയാത്ത യാതൊരു സാമ്പത്തിക കടബാദ്ധ്യതകളും എനിക്കില്ല.

3, അവയവ ദാനത്തിനുള്ള സൗകര്യം ഒരുക്കി കൊടുക്കുക,

4, എനിക്കിഷ്ടമുള്ള കാര്യം -
വിശന്നും ദാഹിച്ചും നടക്കുന്നവന് കണ്ടറിഞ്ഞ് ഭക്ഷണവും വെള്ളവും കൊടുക്കുക  (  എന്നെ സ്നേഹിക്കുന്നവരുണ്ടെങ്കിൽ എനിക്ക് വേണ്ടി ചെയ്യാൻ ഇത്ര മാത്രം, )