കവിത:- മനസ്സിൻറെ കാത്തുനിൽപ്പ്

കവിത:-  മനസ്സിൻറെ കാത്തുനിൽപ്പ്                   

എന്നയൽ കൂട്ടിലേ കിളിവാതിലിൽ

ഇന്നും എന്നേ തിരയുന്ന മിഴികളുണ്ടോ
ആ മിഴികളിൽ ഇന്നുമെൻ  രൂപമുണ്ടോ
ഇന്നും അണയാതെയാ സ്നേഹ  ദീപമുണ്ടോ
ആദ്യമായ് കണ്ടനാൾ നിറവോടെ നൽകിയാ
നിറമുള്ള കനവുകൾ ഇന്നുമുണ്ടോ-
പ്രണയ വർണ്ണം ചാലിച്ച കനവതുണ്ടോ, 
കനവിന്റെ   കൂട്ടിൽ മയങ്ങുന്ന കൺമണി 
പുലരിയിൽ അരികെ ഞാൻ കാണും  കണീ
നിത്യം പുലരിയിൽ അരികെ ഞാൻ കാണും കണീ......
ഞാനാരുമറിയാതെ നിൻ ചാരെയെത്തിയാ
രാവിന്റെ  കുളിരിന്നും നിന്നിലുണ്ടോ-
നീല  രാവിന്റെ  കുളിരു നിൻ മെയ്യിലുണ്ടോ,
നിന്നിതൾ   തഴുകി ഞാൻ അലിയുമാ മാത്രയിൽ
നേദിച്ചതെന്നിൽ നിൻ പൂന്തേൻ    കനീ  -
പ്രണയ വനിയിൽ  ഉന്മാദമേകും കനീ.........
പ്രണയം പരിധികൾ ഛേദിച്ച് നീങ്ങിടും
നാളിൽനിൻ ഉറ്റവർ വേലിതീർത്തു-
രക്ത ബന്ദങ്ങൾ  കോർത്തൊരു കൂടു തീർത്തു
എന്തിനായ്  എൻ  സ്നേഹ  ലോകം മറന്നു നീ 
എന്നരികിൽ നിന്നും പറന്നകന്നൂ ..
ഉരുകി, എന്തിനാ കൂട്ടിൽ ഒതുങ്ങി നിന്നൂ..
വിരഹമീ കവിത തൻ വരികളായി
ഉള്ളിലുണരുന്നതാം ഒരു ചോദ്യമിന്നും.
"എന്നയൽ കൂട്ടിലേ കിളിവാതിലിൽ
 ഇന്നും എന്നേ തിരയുന്ന മിഴികളുണ്ടോ?"
                      രചന:-  സുബീർ വഴിയമ്പലം
                          30-Aug-2008  (Sharjah)