ഒന്ന് 1

ഒന്ന്...  എന്ന് ചൊല്ലി ഒരു വര

ഈ കോലത്തിലാക്കിയേ നിങ്ങളെന്നേ..  (1)

എത്ര    എന്നോടങ്ങ്    പെരുക്കിയിട്ടും

കാര്യമില്ലാത്ത ഒരു തരം ഒന്നാണ് ഞാൻ (1×)

കൂടെ   ചങ്ങാതിയാക്കി  കൂട്ടിയാലോ

ഏറെ ഇഷ്ടത്തോടെ ഒന്ന്-അങ്ങ് കൂടും ( 1+)

ചുമ്മാ  പറഞ്ഞങ്ങ്  ഒഴിവാക്കിയാലും

ചങ്കിനൊന്നേ കുറയുവാനുള്ളുതാനും...(1-)

വില കുറവാകിലും സ്ഥാനമോ ശ്രേഷ്ഠം

പാവമെൻ പദവിയെന്നും ജയിച്ചവർക്കായ് (🥇)

ഇന്ന് കാണുന്നത് ഒന്ന്,  നാളെ വേറെ ഒന്ന് ,

എന്നും  ഒന്നായതെൻ  ജന്മ  സുകൃതമത്രേ !

                                                                      സുബീർ വഴിയമ്പലം

                                                                         08/06/2020 (Doha )