ഉമ്മ (അമ്മ) യേ അറിയുക!

https://youtu.be/V1YfnMchkG4

താരാട്ട്

നീല നിലാവൊളി മാനത്ത്.....

എന്‍ മാറില്‍ ചായുന്നെന്‍ പൂമുത്ത്....

അരിമുല്ല മലരേ.... കരളിന്‍ കനിയേ...

എന്നോമലേ.. പൊന്നുറങ്ങു  നീ...

മിന്നിത്തിളങ്ങും    മിന്നാമിനുങ്ങേ..

ഇത്തിരിത്തൂവെട്ടം  തൂകിടുന്നോ......(2)

കൊഞ്ചി കുണുങ്ങുമീ കുഞ്ഞോമനയ്ക്ക്

കളിയാടാന്‍ കൂട്ടിന്ന് കൂടില്ലേ  നീ...

നേരിന്റെ    നൂറും   പകര്‍ന്നെന്നുമിരുളില്‍

ഹൈറിന്‍   നിലാവേ   നീ    കൂട്ടാകുമോ.....

                  (നീല നിലാവൊളി മാനത്ത്...)               

എങ്ങുമീ  തെന്നല്‍  വീശും  സുഗന്ധം..

രാവിന്റെ   മാറില്‍   പകര്‍ന്നതാര്.....  (2)

മണ്ണിന്‍ മനഃമാകേ നിറയുന്ന സ്നേഹം

    മുല്ല  മലരായ്  ‌ വിരിഞ്ഞതാണോ.....

എന്നും മനസ്സിലേ സ്നേഹം സുഗന്ധമായ്‌

   കുളിരായ്   തൂകണം   നീ  ആരിലും.....

                   ( നീല നിലാവൊളി മാനത്ത് )             

സുബീർ വഴിയമ്പലം                                

2011 (RAK)                                 

കവിത:- നിശയും നിലാവും

കവിത :-     നിശയും നിലാവും.

നീയണയാത്തേതു രാവും മണ്ണിൽ
കൂരിരുളല്ലയോ പൂന്തിങ്കളേ ...
നീ വിരിയാതേ സുഗന്ധമില്ലിന്നെൻ 
മുറ്റത്തു നിൽക്കുന്ന കൊച്ചു മുല്ലേ..
   രാപ്പാടി നീ പാടിയില്ലെങ്കിൽ ഈ-
   രാവിനൊരു മൂകഭാവം നിറഞ്ഞുനിൽക്കും
   കുളിരായ് തഴുകുന്ന പൂങ്കാറ്റു നീ -
   ഇല്ലയെങ്കിലീ സുഖമൊന്നു രാവിനുണ്ടോ?
പാലാഴി തിങ്കളും കരിമുകിലും -
കണ്ണ് പൊത്തിക്കളിക്കുന്ന നേരമതിൽ
മുല്ല തൻ പൂമണം കട്ടെടുത്ത് -
തെന്നലൊഴുകുന്നു ഇലകളേ തഴുകി മെല്ലേ...
     കവിതൻ കരങ്ങൾ നനഞ്ഞ നേരം -
     നിദ്ര കൊള്ളുന്ന നിളയൊന്നുണർന്നിളകീ
     തിങ്കളാ ചന്തം നോക്കി നിൽക്കും
     കണ്ണാടിയിലോളം തുളുമ്പി മെല്ലേ ...
നിളയാം കാമിനി പകർന്നു നൽകും -
മാറിൻ ചൂടിൽ കരയും മയങ്ങി മെല്ലേ
വെള്ളി നിലാമണി വിതറി വിണ്ണിൻ-
വെൺനിലാവൊളി നിശയിൽ അലിഞ്ഞു മെല്ലേ .....
                                   രചന  :-  സുബീർ വഴിയമ്പലം

മാപ്പിള പാട്ട് mappila song

രീതി:- അല്ലാ  റസൂലിനെയും .....


 ആദം മുതൽ അഖിലം 
    അമൈത്തിടാനായുള്ളൊരാദര ദൂതരേ..
അന്ത്യറസൂലാം നബീ
     മൂഹമ്മദ് മുസ്തഫ യാസീൻ ഹബീബരേ....(2)

മക്കത്തേ ദിക്കിലുദിച്ചുള്ള മുത്ത്
അമിന ബീവിതൻ പുന്നാര സ്വത്ത് 
എത്തീ ഉലകത്തിൻ റഹ് മത്തിൻവിത്ത്
ശ്രേഷ്ഠത യേറുന്ന ദീനിന്റെ വിത്ത് 
സുബ്ഹി മുൻപേ സുബ്ഹാനിലാദ്യ
സുജൂദുമായ് മണ്ണിൽ അന്ന് പിറന്ന സ്വല്ലള്ളാ 
      ആദം മുതുകിലന്നൊളി വ് തീർത്തത്
       ഹാഷിം ഖുറൈഷി കുടുംബത്തിൽ 
      അബ്ദുള്ളയാം ബാപ്പ ഇല്ലാ യത്തീമായി
       ഭൂജാതനായി ഹബീബുള്ളാ 

പാരിതിലൊക്കെ പടച്ച് പോറ്റുവാൻ 
         കാരണമായ ഹബീബുള്ളാ 
മക്കത്തുദിച്ചമ്പിയാക്കളിൽ അന്ത്യ -
         ദൂതരായ് മുസ്തഫ സ്വല്ലള്ളാ...


ഹഖ്ലായ മാർഗ്ഗത്തേ നീട്ടീനമുക്ക്
ജീവിച്ചു മാതൃക കാട്ടീലോകത്ത് 
അൽ അമീനാലേ ഇസ് മും ചമഞ്ഞ്
ആ മുഖം ആരിലും നൂറായ് തിളങ്ങി
പിറന്ന മണ്ണും പിരിഞ്ഞ് ഹിജ്റ  നടന്നു 
മദീനാ മണ്ണിൽ അണഞ്ഞൊരമീനാ....

ബദറും ഉഹ്ദും ഹന്ദഖേറേ യുദ്ധങ്ങൾ
പൊരുതി ഹരിത കൊടി വീശിയേ
പാരാകേ തൗഹീദിൻ മന്ത്രദ്വനിയാകേ
പരിമളം പോലേ പടർത്തിയേ ..

.
നാൽപ്പതിലെത്തീ നുബുവ്വത്ത് കിട്ടി 
എത്തീ ഹിറായിൽ ജിബ് രീൽ വഴിയേ
വഹ് യായ് കിട്ടീ ഖുർആൻ കരീമും 
മുഅ ജി സത്തായ് നിലനിൽക്കുമതെന്നും 
ഉദിത്തതിങ്കൾ പിളർത്തിരണ്ടായ് 
സ്വല്ലി സലാത്തുള്ളാ  ഹാത്തിമുൽ
അമ്പിയ നൂറുള്ളാ ......
ഏറീ ബുറാഖിലായ് ഏഴു വാനവും
കണ്ടു വന്നു മിഅറാജില്
അഹദിൻ ഹദിയയായ് അന്നു കിട്ടീ 
ഫർളാകും പുണ്യനിസ്ക്കാരമേ...

മുത്ത് നബിക്കൊത്ത് ജന്നത്തിലെത്താൻ 
ഹഖിൻ വഴിയേ ജീവിച്ചു ജയിക്കാൻ
റബ്ബേ ഇലാഹേ കനിയണേ നാഥാ
ആ മുഖമെന്നിൽ കനവൊന്ന് കാട്ട്
നിറഞ്ഞ മനം ഉരത്ത് സലാം
          സ്വല്ലി സ്വലാത്തുള്ളാ...
          യാറബ്ബി സ്വല്ലി റസൂലില്ലാ... (2)


                           രചന :- സുബീർ വഴിയമ്പലം

മൈലാഞ്ചി പാട്ട് mailanchi song

 ( രീതി:- യത്തീമിൻ സുൽത്താൻ വന്നേ..)

ചെന്തളിർ ചുണ്ടിൽ തഞ്ചും
പുഞ്ചിരി ചേലിൽ തൂകീ
ഒരുങ്ങിയ ജന്നത്തിൻ ഹൂറീ
എത്തി നിൻ സുൽത്താൻ പെണ്ണേ
മുത്തേ നിൻ തോഴൻ തന്നേ
ആശിച്ചൊരു കാനൂത്തു നാളിൽ

അഴകിന്നൊളിയാം മലരേ
ഒഴുകും ഇശലിൻ കുളിര്
പൊന്നഴകിന്നൊളിയാം മലരേ
ഇന്നൊഴുകും ഇശലിൻ കുളിര് 

                 ശീലിനൊത്ത് , ചേലതേറും, മണി-
              മങ്കകളാടുന്നൊരൊപ്പന താളമതാൽ



__________AP__________
പട്ട് ലിബാസിൽ ഒരുങ്ങിയ പെണ്ണിന്റെ
                                                                   സീനത്ത്
കണ്ട് നിലാവൊളി കണ്ണുപൊത്തുന്നിതാ 
                                                                   മാനത്ത്
കണ്ടകിനാവ്  പുലരുന്നു  ചേലോടെ 
                                                                  ചാരത്ത്
ഇന്നത്തെ രാവ് പുലരുമ്പോ പെണ്ണിന്
                                                                  ഖാനൂത്ത്
കിനാവിൻ കാണാ തോണി 
തോഴനുമൊത്തു തുഴഞ്ഞ്
പുന്നാരം ചൊല്ലണ നാളായീ
മാരന്റെ പേരത് ചേലിൽ   
മൈലാഞ്ചി  കൈയ്യിൽ കണ്ട്
നാണം കുണുങ്ങണതെന്തിന്
               ശീലിനൊത്ത് , ചേലതേറും, മണി
               മങ്കകളാടുന്നൊരൊപ്പന താളമതാൽ
(  ചെമ്മലർ റങ്കിൻ ചുണ്ടാൽ ......)
  ഓ..
" പതിവായി കനവാകേ
കളിയാടും നിൻ സുൽത്താൻ.
വന്നണയുന്നൊരു നാളാണ് "
മന_സ്സാകേ മുഹബ്ബത്തിൻ 
മലർ മണമാൽ -
തേനിശലുണർത്തീടുന്നൊരു 
മൈലാഞ്ചി രാവ്"

__________ CH__________

ആരാരും കാണാതേ നിന്നുള്ളിലൂറും 
                                                                  മുഹബ്ബത്ത്
കണ്ടൊരു മാരൻ അണയുന്നു
                                                     നല്ല നസീബൊത്ത്‌
ഖൽബിന്റെ ചിപ്പിയിൽഇശ്കിൽ
                             പൊതിഞ്ഞൊരു പൊൻ മുത്ത്
കോർത്തൊരു ഹാരമായ് ചർത്തണം
                                                  മാരന്റെ   മാറത്ത്

സ്നേഹതേൻമലരായീ
ആശകൾ കണ്ടറിയുന്ന
സൗജത്തായ് നീ വാഴണം
സ്നേഹ തേൻ മഴയായീ
മംഗല സുദിനമിതിൽ
മർഹബ നേരുന്നു ഞങ്ങൾ

ശീലിനൊത്ത് , ചേലതേറും, മണി മങ്കകളാടുന്നൊരൊപ്പന താളമതാൽ
(  ചെമ്മലർ റങ്കിൻ ചുണ്ടാൽ ......)

   
                           രചന :-  സുബീർ വഴിയമ്പലം

മാപ്പിള പാട്ട് mappila song

  രീതി:-   മെഹബൂബുൽ ബാഖിയ ...


മുത്ത് റസൂലുള്ളാ മുഹമ്മദ് റസൂലുള്ളാ
മക്കത്തായ് വിരിഞ്ഞൊരു മലരേ 
ശറഫുറ്റ നബിയേ  ശംസിന്നൊളിയേ
റബ്ബിൻ ഹബീബാം റസൂലേ 
റബ്ബിൻ ഹബീബാം റസൂലേ

പടപ്പുകൾക്കെല്ലാം കാരണമായി
ആദമിലൊളിപ്പിച്ച നിധിയേ... 
ആദരവേറും  നബീയേ...
അബ്ദുള്ള തൻ പൊൻ മകനായ് പാരിൽ
ആമിനബീ പെറ്റ കനിയേ ...
ആലത്തിൻ ആരംഭ  പൂവേ ....
                      (മുത്ത് റസൂലുള്ളാ ... )
ശറിൻ ചൂടിൽ ഉരുകും മണ്ണിൽ
മഴയായ് പെയ്ത റസൂലേ _   കുളിർ,
മഴയായ് പെയ്ത റസൂലേ ....
മാനവലോകർക്കായ് ദീനിസ്-ലാമിനെ 
പടുത്തുയർത്തിയ ജീവേ...
പടപ്പിൽ മികന്ത അമീനേ ....
                       (മുത്ത് റസൂലുള്ളാ ... )
വഫാത്തിന്റെ നേരത്തും ഉമ്മത്തിനോർത്ത്   ഇറയോനിൽ ഇരവോതിയോരേ... ഏക ,
ഇലാഹിന്നോടിരവോതിയോരേ.
മഹ്ഷറ മുറ്റത്ത് ഷഫാഅത്തുമായെത്തും
ഷഫീഉനാ നബി സ്വല്ലള്ളാഹീ...
മുഹമ്മദ് നബി സ്വല്ലള്ളാഹീ.. 
                       (മുത്ത് റസൂലുള്ളാ.... )


                                  രചന :- സുബീർ വഴിയമ്പലം

മൈലാഞ്ചി പാട്ട് mailanchi Song

       ( രീതി:-   മിസ്റിലേ മാണിക്യ.....)

           മൈലാഞ്ചി രാവിന്റെ
           മൊഞ്ചേറും  തിങ്കള്
           തെളിയുന്നു മാനത്ത്
                     മണവാട്ടി പെണ്ണേ നിൻ
                     ബദറൊത്ത വദനത്തിൽ-
                     പുഞ്ചിരി പൂമുത്ത് (2)
*....... Ap.........*
പൊന്നിൻ വളയിട്ട
          കൈകളിൽ മൈലാഞ്ചി
                 ചാർത്തുമ്പോൾ നാണത്തേ ...
മിഴിയിലൊളിപ്പിക്കും
          പെണ്ണേ നിൻ വദനത്തിൽ
                                 എന്തൊരു സീനത്ത്...
കനവേറേ കണ്ടുള്ള
            മുഹബ്ബത്തിൻ കൂട്ടിൽ
                                 ഒളിപ്പിച്ച ഹാജത്ത് ...
വിരിയുന്നു അരിമുല്ല
             പൂപോലേ മണവാട്ടി
                              പെണ്ണിന്റെ ചാരത്ത്......
(  മൈലാഞ്ചി രാവിന്റെ......)

*.......... CH..........*
മണവാട്ടി പെണ്ണേ നിൻ
             മനസ്സിന്റെയുള്ളിൽ
                               ഒളിപ്പിച്ചതാം മുത്ത്...
മണിയറ  മെത്തയിലെത്തും
             സുൽത്താനൊത്ത്
                             കോർക്കുന്നതാ മുത്ത്...
മഹറേകി പൊൻതാലി
             നിൻ മാറിൽ ചാർത്തിയാൽ
                               പിന്നേ ഈ ലോകത്ത് ...
മുത്തിലും മുത്തായ
            മാരന്ന്  നീ  എന്നും
                                    മാറ്റേറും സൗജത്ത്.....
  (  മൈലാഞ്ചി രാവിന്റെ......)
*.......... A. CH..........*
മണിമുല്ല മലരിൻ
             പരിമളം രാവിൽ
                                    പടരുന്ന നേരത്ത്
മണിമാരൻ കവിളത്ത്
            മണി മുത്തം നൽകുമ്പോൾ
                                  കാണും നീ ജന്നത്ത്.....
മധുരിത നാളുകൾ
            മലരായ് വിരിയട്ടേ
                               എന്നെന്നും ചാരത്ത്...
 മംഗല മംഗളം
            നേരുന്നിതാ ഞങ്ങൾ
                        ഇശലിനെറെ ശീലൊത്ത്...
  (  മൈലാഞ്ചി രാവിന്റെ......)
                                   രചന :- സുബീർ വഴിയമ്പലം

നബിദിന ഗാനo NABIDHINA Songs

07-12- 2015
       ( രീതി  :- അസർമുല്ല മണം വീശും കാറ്റേ )
*...............................***...................................*

പതിമക്കത്തുദിച്ച നിലാവേ - റബ്ബിൻ
റഹ്'മത്തായ് പാരിൽ പിറന്നോരേ''
ബദറൊത്തൊരഴകേറും നൂറേ' - മുത്ത്
മുഹമ്മദ് യാസീൻ നബിയോരേ'.... (2)
                     
റബിഉൽ അവ്വൽ പന്ത്രണ്ടിന്റെ നീല
നിലാവൊളി മാനത്ത്
ആമിന ബീവിക്കോമന മകനായ്
അന്നു പിറന്നു നബീ മുത്ത് (2)
കുഫ് റിൻ കൂട്ടർ കൊലവിളി കൂട്ടും
കൂരിരുൾ മൂടിയ നേരത്ത്
       ശിർക്കിൻ കോട്ടതകർക്കാനായ്
       നേരിൻ തങ്കനിലാവായീ'........
                (പതിമക്കത്തുദിച്ച നിലാവേ .....)
ഉമ്മത്തിന്ന് മാതൃകയായൊരു
ജീവിതംപാരിലൊരുക്കീലേ...
അന്ത്യ റസൂലായ് വന്നുലകിന്ന്
ഖുർആൻ  വചനമതേകീലേ (2)
സ്വർഗ്ഗത്തിന്റെ പാതയേ മണ്ണിൽ
മാനവനായി പകർന്നില്ലേ...
   ഹൗളുൽ കൗസറുമായ് നമ്മേ
   ആ ജന്നത്തിൽ വരവേൽക്കില്ലേ ....
                (പതിമക്കത്തുദിച്ച നിലാവേ .....)


                   രചന :-  സുബീർവഴിയമ്പലം