അരികെ

മനസ്സ് മനസ്സോടു ചൊല്ലുമാ മന്ത്രം

മായാ മഷിയാലെഴുതുമ്പോൾ
മനസ്സിൽ മീട്ടുമാ പ്രണയ തന്ത്രികൾ
അതിനൊത്തൊരീണമായ് മാറുമ്പോൾ
            ഹൃദയം കവർന്നൊരാ സഖി തൻ കാതിൽ(2)
                           ഒരു ഗാനമായ് ഞാൻ പാടുന്നു...(2)

മനസ്സിൻ്റെ താളിൽ അനുരാഗമായെൻ
ജീവനിൽ ഈണം പകർന്നതും നീ... (2)
തൊട്ടാൽ കിണുങ്ങുന്ന നിൻ മണിചെപ്പിൽ (2)
ഇന്നെനിക്കായ് ഒരു രാഗമില്ലേ...
നിൻ മനസ്സിൻ അനുവാദമില്ലേ..

(മനസ്സ് മനസ്സോടു ചൊല്ലുമാ മന്ത്രം ......)

ഓർമ്മിക്കുവാനായ് ആ നല്ല കാലം
എന്നും കരളിനു കുളിരായീ... (2)
മുള്ളായ് നമുക്കേറ്റ നോവുകളെല്ലാം (2)
ഇന്നരികിൽ പൂവിതളുകളായ്
എന്നരികിൽ നീ പൂമഴയായ്....

(മനസ്സ് മനസ്സോടു ചൊല്ലുമ മന്ത്രം ......)

സുബീർ വഴിയമ്പലം

   2005 ( IJK )